情深永相传,飘于万世空

哈哈。
开心到有D语无伦次啦。
 
6月7日，瞒住女友，一个人静鸡鸡走左去HK帮衬左六叔，败左只33份的钻戒,求婚专用，咔咔，F色，VS，2个EX1个VG,GIA证书.
点解要拣33份的石呢？因为同我个名系谐音啊，33，寓意“山山”送的。
 
HK周大叔衰到死，要50份先有GIA证，都系六叔厚道。
 
只戒指我无拣到六福的现成钻戒，我的系裸钻+戒托现场镶嵌嘎。亦都因为感样，有机会睇到钻石底部的八心，好匀称嘎。至于八箭就唔使多讲啦，无就望都唔使忘啦。 
 
最后成交既价钱，同最初的标价，大约系82折左右啦。其实我系点讲价的呢？我先去的系A铺，传说中的杨主任接待左我，跟住有个消屎见我大袋系袋拿住几袋野，就好心比左个六福环保袋我喔。但我又无帮衬到杨生，后来系B铺，里面的主任见到我个袋，就知我已经系第间铺搞过一轮，开价的时候直接就开88折的价比我，感我再讲落去就容易好多了。
 
小鸟衣家都升左价啦，所以去香港买都系抵的，起码系大牌子野。而且我唔中意小鸟的戒托，手工好似稍微粗糙左少少。
 
拣定左钻戒又顺手买左一对金戒比爹地妈咪，,之后再拣多两条18K金手链，嘿嘿，用来贿赂女方家长嘎。
 
 
到求婚啦，我的靓妹系9号生日既。当晚就连骗带哄，开车载左靓妹上白云山，我地开始既地方。衣个系乜野地方呢？其实好好嘎，系山顶公园往明珠楼方向行的路上，有一个停车的大平台。平台外面就是山脚的城市夜景了。衣个平台的特别之处就在于，停车的时候，车头系正对住平台外面的，坐系车里面，就直接可以睇到璀璨的夜景，又唔使落车。有车门保护私密性，两个人就可以好多野支支针针啦。话就话系庆祝生日，其实系熬时间，然后，一过晚上12点，即系生日的后一日，我扼靓妹话仪表台有D污糟，帮我拿块布出来抹下。当距打开座位前面储物格的时候呢，嘿嘿，里面乱七八糟的野无晒，一块黄绢布系底，正中放住钻戒的盒，旁边仲有两支红玫瑰点缀下。
咔咔，一见到衣个阵势，靓妹招架不住啦，轻轻抵挡左一阵就举手投降啦。
详情就唔讲感多啦。就讲最后，戴上手的时候系靓妹坐系副驾驶座，我系外面拉开车门，单膝跪地帮距离戴上的。
 
 
求婚过程，全程比手机录音，以后慢慢回味。从此E个世上就多左一公一母两只老衬啦。
以后我同靓妹的纪念日就可以连住过啦。6月9日系距生日，10号就求婚喔，至于11号呢，嘿嘿，其实系我地相识纪念日啊。
 
 
终于可以用翻自己的ID啦，其实之前我都有上99网发帖嘎，但因为要瞒住GF，唔比距知道我鼠去HK，我都系用马甲的，hengdao,tooday,nomany都系我用过的马甲。后来有一个马甲差D被GF识破，仲拜托斑竹拿拿声帮我删晒自己发的帖，感先可以蒙混到衣家。
 
最后讲句，HK现在不太平，7号去完买金，8号晚上旺角就比人投掷腐蚀性液体啦，刚好过24小时炸。不过可以感动到我的靓妹，无所谓啦。